“Видеоҳостинг АҚШ президенти Доналд Трампнинг 2021 йилда вақтинча блокланган аккаунти билан боғлиқ суд даъвосини ҳал қилиш учун 24,5 миллион доллар тўлашга рози бўлди”, – деб хабар берди Associated Press.

Битим шартларига кўра, бу сумманинг 22 миллион доллари Оқ уйда бал залини қуриш учун масъул бўлган Trust for the Nation Mall ташкилотига йўналтирилади. Қолган маблағ эса иш бўйича бошқа даъвогарлар ўртасида тақсимланади, улар орасида ёзувчи Наоми Вулф ва Америка консерватив иттифоқи ҳам бор.

YouTube’га эгалик қилувчи Alphabet компанияси Трамп билан суд даъвосини ҳал қилган учинчи йирик технологик компанияга айланди. Январь ойида Meta Platforms Трампнинг Facebook аккаунти блоклангани билан боғлиқ даъвони ҳал қилиш учун 25 миллион доллар тўлашга рози бўлган эди. Х (собиқ Twitter) эса Трамп томонидан берилган даъвони 10 миллион доллар эвазига ҳал қилганди.

Доналд Трампнинг Facebook, Instagram, YouTube ва Twitter аккаунтлари 2021 йил 6 январда унинг тарафдорлари президентлик сайлови натижаларидан норози бўлиб, Капитолий биносига бостириб кирганидан сўнг блокланган эди. Ижтимоий тармоқлар раҳбарияти Трампнинг постлари бу ҳаракатни қўллаб-қувватлаган деб ҳисоблаган.

• Трамп
• YouTube