Бугун, 15 июль куни соат 14:00ларда Зомин тумани “Дуоба” ҚФЙ Ўрикли қишлоғи ҳудудида тоғ бағрида ёнғин бўлаётганлиги тўғрисида Зомин туман ФВБга хабар тушган. Хабарга асосан 2 та ёнғин-қутқарув экипажлари соат 14:20 ларда ёнғин жойига етиб бориб, соат 15:08да батамом ўчирилган.

Ёнғин натижасида тоғ бағрида тахминан 50 сотих майдонда қуруқ хаслар ёнган. Ёнғин оқибатида тан жарохати олганлар ва ҳалок бўлганлар йўқ. Ҳозирда ёнғиннинг сабаби ва зарар миқдори аниқланмоқда.

Ёнғини ўчиришга Жиззах вилояти ФВБдан 100 га яқин шахсий таркиб, ИИБ, МГ ва Ўрмон хўжалиги ходимлари жалб этилган.

• Zomin
• ёнғин