Zoom ўзининг видео платформасида фойдаланиш учун Liminal стартапи томонидан яратилган кенг кўламли онлайн тадбирларни ташкил қилиш воситаларини сотиб олган.

Қайд этилишича, ZoomOSC ва ZoomISO видеохизмати учун кенгайтмалар компания дастурий таъминотига интеграция қилинади. Хусусан, ZoomOSC Zoom'га учинчи томон дастурлари, аппарат контроллерлари ва медиа серверлари билан интеграция қилиш имконини бериши таъкидланган.

Шунингдек, ZoomISO ҳар бир иштирокчининг видеосини экспорт қилиш ва профессионал ускунага, шу жумладан HD форматида чиқариш имконини беради.

Zoom вакилларининг таъкидлашича, харид видеохизматга тадбирларни бошқаришнинг анъанавий ва янги шакллари ўртасидаги тафовутни бартараф этиши мумкин. Бундан ташқари, янги функция театрлар ва эшиттириш студиялари каби профессионал кўрсатувларни қадрлайдиган барча ташкилотлар учун фойдали бўлиши айтилмоқда.

• Zoom
• технология