Hukumat qaroriga ko‘ra, yirik savdo markazlari va oziq-ovqat do‘konlarida iste’mol muddati tugayotgan mahsulotlar uchun maxsus rastalar tashkil etiladi. Mahsulotlar narxi har 10 kunda bosqichma-bosqich pasaytiriladi.

Shuningdek, daladan savdo nuqtalarigacha oziq-ovqat mahsulotlari isrofiga yo‘l qo‘ymaslik maqsadida yig‘ish, saralash, tashish va saqlash jarayonlari doimiy nazorat qilinadi.

Qishloq xo‘jaligida esa fermerlar uchun hosildorlikni oshirish va kimyoviy moddalardan samarali foydalanish bo‘yicha seminarlar o‘tkaziladi.

2026-yilda sanitariya va gigiyena normalari takomillashtiriladi, shuningdek 2026–2030-yillar “Dolzarb oziq-ovqat xavfsizligi davri” deb e’lon qilinadi. Bu davrda “Oqilona iste’mol” dasturi amalga oshirilib, aholiga sifatli oziq-ovqatni yetkazib berish va isrofning oldini olishga alohida e’tibor qaratilgan.

• Qishloq
• oziq-ovqat