Prezident Sadir Japarov og‘ir jinoyatlar uchun o‘lim jazosini tiklash masalasini ko‘tardi. Bu haqda davlat rahbarining matbuot kotibi Askat Alagozov xabar berdi.

Ma’lumotga ko‘ra, Prezident Administratsiyasiga bolalar, xotin-qizlar va ayollarga nisbatan sodir etiladigan og‘ir jinoyatlar uchun eng qat’iy jazo choralarini nazarda tutuvchi qonun loyihasini ishlab chiqish topshirilgan.

Bunday tashabbusga Aysulu Mukasheva nomli 17 yoshli qiz bilan bog‘liq mudhish voqea turtki bo‘ldi. U 27-sentyabrda yo‘qolgan, bir necha kundan keyin esa jasadi Kemin tumanida topilgan. Tergov ma’lumotlariga ko‘ra, 41 yoshli shaxs qizni o‘g‘irlab, zo‘rlab va o‘ldirganini tan olgan.

• O'lim jazosi
• Qirg‘iziston