25–26 sentyabr kunlari Dehlida SHHT yosh mualliflarining ikkinchi konferensiyasi bo‘lib o‘tdi. Unda O‘zbekiston Yozuvchilar uyushmasi a’zolari Shuhrat Orif va Javlon Jovliyev ishtirok etib, ma’ruzalar bilan chiqish qilishdi.

Tadbir SHHT Kotibiyati, Hindiston Ta’lim vazirligi va Milliy kitob jamg‘armasi hamkorligida tashkil etildi. Unda raqamli davrda ijodiy makon dinamikasi va yosh mualliflar hamkorligi muhokama qilindi.

Shuhrat Orif O‘zbekistonning yangi media formatlarini joriy etish tajribasi haqida gapirsa, Javlon Jovliyev raqamli asrda adabiyot va mualliflar oldidagi vazifalarni yoritdi.

O‘zbekiston delegatsiyasining bu anjumandagi ishtiroki mamlakatning SHHT doirasida yoshlar va ijodkorlarni qo‘llab-quvvatlash yo‘nalishidagi faol pozitsiyasini namoyon qildi. Konferensiya SHHTga a’zo davlatlardan 30 ga yaqin yosh ijodkorni birlashtirdi.

• ShHT
• Toshkent
• Yoshlar