Jahon bozorida oltin narxi rekord darajaga yetib, bir unsiyasi (taxminan 28 gramm) 3 812 dollarga baholanmoqda. 

Bu ko‘rsatkich oltinning tarixiy maksimumi bo‘lib, so‘nggi 6 hafta ichida uzluksiz o‘sishni namoyon etmoqda. Shuningdek:

- kumush 2,4 foizga oshib, 46,75 dollarni tashkil etmoqda — bu 2011-yildan beri kuzatilgan eng yuqori ko‘rsatkich;

- platina 1 600 dollardan oshib, 2013-yildan buyon birinchi bor bunday darajaga yetgan.

- palladiy esa iyul oyidan beri eng yuqori ko‘rsatkichni ko‘rsatmoqda — bir unsiya uchun 1 280 dollarni tashkil etmoqda.

Umumiy hisobda, oltin narxi 2025-yil boshidan buyon 45 foizga ko‘tarilgan. Analitiklar bu o‘sishni global iqtisodiy beqarorlik, inflyatsiya xavfi va AQSh Markaziy banki mustaqilligiga tahdidlar bilan bog‘lamoqda.

Mutaxassislar fikricha, oltin hali ham dollar va AQSh obligatsiyalariga nisbatan “ortiqcha baholangan” emas. Ushbu qimmatbaho metall hali ham investorlar uchun xavfsiz aktiv sanalmoqda. Goldman Sachs va Deutsche Bank kabi yirik moliyaviy institutlar oltin narxining o‘sishi davom etishini prognoz qilmoqda.

• Narx-navo
• Oltin
• rekord