AQSh, Isroil va Eron o‘rtasidagi keskinlik ortidan keng ko‘lamli talafotlar qayd etildi.

Eron sud-tibbiyot tashkiloti rahbari Abbos Masjedi Arani ma’lum qilishicha, mamlakat bo‘ylab amalga oshirilgan hujumlar oqibatida 3 mingdan ortiq kishi halok bo‘lgan.

Qurbonlarning qariyb 40 foizining shaxsi aniqlanmagan.

Tomonlar o‘rtasida ikki haftalik o‘t ochishni to‘xtatish bo‘yicha kelishuvga erishilgani bildirilmoqda. Mazkur kelishuv Eron tomonidan ilgari surilgan 10 banddan iborat reja asosida shakllanishi mumkin. Rejada sanksiyalarni bekor qilish, uranni boyitish huquqi hamda harbiy harakatlarni to‘xtatish kabi masalalar o‘rin olgan.

Shu bilan birga, Eron parlamenti spikeri Mohammad Baqer G‘olibof AQShni kelishuvning ayrim bandlarini buzganlikda aybladi. Xususan, Pentagon rahbari Pit Xagest Eron uranni ixtiyoriy topshirmagan taqdirda, uni kuch ishlatish yo‘li bilan qo‘lga kiritish ehtimoli mavjudligini inkor etmadi.

Bundan tashqari, Isroil mudofaa kuchlarining Livan hududiga bergan zarbalari oqibatida 250 dan ortiq kishi halok bo‘lgani xabar qilinmoqda.

Shunga qaramay, Eron va AQSh o‘rtasidagi muzokaralar jarayoni to‘xtatilmagan. Navbatdagi uchrashuv 10-aprel kuni Islomobod shahrida o‘tkazilishi rejalashtirilgan.

• AQSh
• Isroil