Turkiyaning Antaliya viloyati sohillarida so‘nggi besh kun ichida olti kishining jasadi topildi. Bu haqda NTV telekanali xabar berdi.

Qayd etilishicha, yosh bola va katta odamga tegishli ilk ikki jasad 17-yanvar kuni Alaniya tumani va Manavgat shahrida aniqlangan. 20-yanvar kuni esa Manavgat va Serik shahrida yana ikki kishi o‘lik holda topilgan. Ta’kidlanishicha, beshinchi murda ayol kishiga tegishli bo‘lib, u 18 kun avval bedarak yo‘qolgan.

Shu sabab Istanbulda istiqomat qiluvchi oilasi ekspertiza o‘tkazilishi uchun Antaliyaga yetib kelgan.

21-yanvar kuni Antaliyaning Aksu tumanida joylashgan besh yulduzli mehmonxona plyajida erkak kishining jasadi topilgan. Voqea joyiga qirg‘oq soqchiligi, politsiya va tibbiy brigada jo‘natilgan. NTV telekanali odamlarning o‘limini noqonuniy muhojirlarni tashuvchi qayiqning cho‘kib ketishi bilan bog‘lamoqda.

• Antaliya
• Ekspertiza