AQSh Vakillar palatasi spikeri Nensi Pelosi shu hafta oxirida Yerevanni qo‘llab-quvvatlash uchun Armanistonga boradi.

Manbalarga ko‘ra, Pelosi shu hafta oxirida Ozarbayjon bilan halokatli jangga kirishgan mamlakatni qo'llab-quvvatlash uchun boradi.

Yerevanda Pelosi bosh vazir Nikol Pashinyan va boshqa Armaniston hukumati vakillari bilan uchrashishi kutilmoqda.

Keltirilishicha, Pelosi sayohatga Arman merosi vakili Jeki Speier hamrohligida boradi.

Seshanbaga o‘tar kechasi Armaniston Mudofaa vazirligi Ozarbayjon kuchlari Goris, Sotk va Jermuk aholi punktlariga qarshi artilleriya, yirik kalibrli qurollardan foydalangan holda kuchli o‘t ochganini ma’lum qilgandi.

Shundan so‘ng Armaniston Xavfsizlik kengashi favqulodda yig‘ilish o‘tkazib, Rossiyadan Do‘stlik, hamkorlik va o‘zaro yordam to‘g‘risidagi bitimning tegishli qoidalaridan foydalanishni so‘ragan.

• AQSh
• Armaniston
• Ozarbayjon
• Pelosi
• Tayvan
• Xitoy