Joriy yilning 1-noyabridan AQSh Xitoyga nisbatan qo‘shimcha 100 foizlik boj to‘lovi joriy etadi. Bu haqda Qo‘shma Shtatlar Prezidenti Donald Tramp o‘zining Truth Social tarmog‘ida yozdi.

“2025-yil 1-noyabrdan boshlab (yoki Xitoy tomonidan amalga oshiriladigan keyingi harakatlar va o‘zgarishlarga qarab oldinroq) AQSh Xitoyga qarshi 100 foizlik tarif joriy etadi, bu ular hozir to‘layotgan har qanday tarifdan tashqari bo‘ladi”, – deb yozadi Tramp.

Shuningdek, shu sanadan boshlab AQSh muqim ahamiyatga ega dasturiy ta’minot uchun eksport nazoratini ham joriy qiladi.

Trampning so‘zlariga ko‘ra, bu chora Xitoy tomonidan 1-noyabrdan boshlab deyarli barcha ishlab chiqarilgan mahsulotlarga nisbatan joriy etilishi rejalashtirilayotgan eksport cheklovlariga javob bo‘ladi.

“Bu xalqaro savdoda misli ko‘rilmagan holat bo‘lib, boshqa davlatlar bilan munosabatlarda axloqiy kamsitishdir”, – AQSh rahbari.

Yangi qoidalar bo‘yicha, Xitoyda ishlab chiqarilgan hatto oz miqdorda noyob yer metallari saqlovchi mahsulotlarni eksport qiluvchi xorijiy kompaniyalar ham maxsus eksport litsenziyasi olishlari kerak bo‘ladi. Bu talab nafaqat metallarga, balki ularni qazib olish, qayta ishlash, utilizatsiya va magnit materiallar ishlab chiqarish texnologiyalariga ham taalluqli.

Litsenziya ikki maqsadli mahsulotlar – ya’ni fuqarolik va harbiy sohada ishlatilishi mumkin bo‘lgan materiallar uchun ham majburiy bo‘ladi. Harbiy iste’molchilarga mo‘ljallangan eksport arizalari esa avtomatik ravishda rad etiladi.

Xitoy hukumati bu choralarni “milliy xavfsizlik va davlat manfaatlarini samaraliroq himoya qilish, shuningdek, xalqaro majburiyatlarni bajarish, jumladan, tarqalish ustidan nazoratni kuchaytirish” zarurati bilan izohlagan.

• AQSh
• Tramp
• Xitoy