Arktika tadqiqotchilari muzliklarning erishida xavfli viruslarni aniqladilar. Bu haqda kanadalik olimlar xabar berdi.

Olimlarning ta‘kidlashicha, odam ilgari uchramagan bakteriya va viruslar chuchuk suv muzida omon qolishi mumkin. Global isish permafrostda qulflangan noma’lum viruslarning yangi pandemiyaga olib kelishiga sabab bo‘ladi.

Bunday natijalar Arktika doirasidagi eng katta chuchuk suvli Xazen ko‘li yaqinidagi cho‘kindilarni o‘rganishdan olingan. Erigan muzda noma‘lum mikroorganizmlar topilgan. 

Natijalar shuni ko‘rsatdiki, qayta tiklangan mikroorganizmlar allaqachon fanga ma’lum bo‘lgan viruslarga o‘xshash, ammo turli xil mutatsiyalarga ega. 

Olimlar tadqiqotlarni davom ettirishni va erigan viruslarning zamonaviy odamlar va hayvonlar uchun qanchalik xavfli ekanligini aniqlashni rejalashtirmoqda.

• Arktika
• qiziqarli
• tadqiqot