Bo‘y uzunligi ko‘p jihatdan genetikaga bog‘liq bo‘lsa-da, o‘sish va rivojlanishni ta’minlash uchun ratsion ham juda muhimdir.

Bolalar uchun oqsil, mikroelementlar, probiotiklarga boy mahsulotlar iste’mol qilish muhim.

Loviya tarkibida ko‘p miqdorda protein bo‘lib, u organizmda insulinga o‘xshash o‘sish omili miqdorini ko‘paytiradi. Bundan tashqari, temir va B vitaminlari manbayi bo‘lgani uchun kamqonlikning oldini oladi.

Bodom tolalar, marganes, magniy va yog‘da eriydigan E vitaminiga boy. E vitamini yetishmasligi bolalarda o‘sishni sekinlashtiradi.

Sut organizm o‘sishini rag‘batlantiradigan kalsiy, fosfor va magniy mikroelementlariga boy, shuningdek, 1 stakan sutda 8 grammgacha oqsil moddasi bo‘ladi.

Ko‘katlar C va K vitamini manbayi sifatida suyak massasi kamayishining oldini oladi.

• Lifestyle
• qiziqarli