15°
Kechasi 2°
Bir vaqtning o‘zida o‘zbekistonlik 7 nafar dzyudochi Jahon reytingida peshqadamlik qilishyapti.
Xabaringiz bor, jahon chempioni Davlat Bobonov (-90 kg) hamda Diyora Keldiyorova (-52 kg) kattalar o‘rtasida reyting karvonboshisi bo‘lib turishibdi.
Shuningdek, 5 nafar o‘smir va yoshlarimiz ham dunyo reytingida peshqadamlikni o‘z qo‘llariga olishgan. Shu yil Bosniya va Gersegovinada o‘tgan kadetlar o‘rtasidagi Jahon chempionati g‘olibasi Barchinoy Qodirova (-70 kg), kadetlar o‘rtasida Osiyo chempioni, “Osiyo bolalari” musobaqasi g‘olibasi Laziza Haydarova (-40 kg), Ekvadorning Guayakil shahrida o‘tgan yoshlar o‘rtasidagi Jahon chempionati g‘olibi Jahongir Mamatrahimov (-90 kg), ushbu musobaqaning kumush medali sohibi Azizbek Ortiqov (-66 kg), bronza medali egasi Islombek Ravshanqulov (+100 kg) o‘z vaznlarida Jahon reytingini boshqarib turishibdi.
O‘zbekiston dzyudo federatsiyasi matbuot xizmati
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
