31°
Kechasi 18°
Sirdaryolik ayol 4 nafar erkakka OIV infeksiyasini yuqtirdi. Bu haqda IIV axborot xizmati xabar berdi.
Qayd etilishicha, Sirdaryo viloyatida yashovchi, 1999-yilda tugʻilgan M.S. ismli ayol 2020-yil 13-fevralda Sirdaryo viloyati OITSga qarshi kurashish markazi tomonidan OIV infeksiyasi yuqtirib olgan shaxs sifatida roʻyxatga olingan.
Shuningdek, unga boshqa shaxslarga OIV infeksiyasini yuqtirgan taqdirda jinoiy javobgarlikka tortilishi toʻgʻrisida tegishli tartibda ogohlantirilgan.
Shunga qaramay, M.S qasddan jinoyat sodir qilish yoʻliga oʻtib, 2022-yil avgust oyidan 2022-yil dekabr oyiga qadar boʻlgan vaqt oraligʻida Buxoro tumani hududida joylashgan choʻl zonasida 4 nafar fuqaro bilan birga bir necha marotaba jinsiy aloqada boʻlgan.
Oqibatda, OIV infeksiyasi borligini oldindan bilgan holda ushbu kasallikni boshqa shaxslarga yuqtirish xavfi ostida qoldirgan.
Maʼlum qilinishicha, mazkur holat yuzasidan Oʻzbekiston Respublikasi Jinoyat kodeksining 113-moddasi 4-qismi bilan jinoyat ishi qoʻzgʻatilib, hozirgi kunda dastlabki tergov harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
