FIFA talqini boʻyicha 2022-yilning eng yaxshilari boʻlish uchun daʼvogar yakuniy uchliklar eʼlon qilindi.

Unga koʻra, eng yaxshi futbolchi eʼtirofiga Lionel Messi (PSJ, Argentina), Kilian Mbappe (PSJ, Fransiya) va Karim Benzema (“Real Madrid”, Fransiya) daʼvogarlik qilmoqda.

Eng yaxshi murabbiy maʼqomi uchun Karlo Anchelotti (“Real Madrid”), Pep Gvardiola (“Manchester Siti”) va Lionel Skaloni (Argentina terma jamoasi) nomzod sifatida tanlab olingan.

Eng yaxshi darvozabon boʻlish uchun esa, Tibo Kurtua (“Real”, Belgiya), Yassin Bunu (“Sevilya”, Marokash) va Emiliano Martines (“Aston Villa”, Argentina) kurash olib boradi.

2022-yilning eng chiroyli goli nomi uchun yakuniy uch nafar daʼvogar roʻyxatidan Martsin Oleksi (“Varta Poznan”; “Stal”ga qarshi oʻyinda urilgan gol), Dimitri Paye (“Marsel”; Konferensiyalar ligasida “PAOK” jamoasiga urilgan gol) va Risharlison (Braziliya; JCh—2022 da Serbiyaga qarshi oʻyinda urilgan gol) oʻrin olgan.

Qayd etish mumkin, gʻoliblar nomi 27-fevral kuni Parijda boʻlib oʻtadigan marosimda aniqlanadi.

• FIFA
• Futbol
• The Best