Mixail Gorbachyovning vafot etgani munosabati bilan AQSh prezidenti yozma bayonot berdi.

AQSh rahbari Sovet Ittifoqining birinchi va yagona prezidenti Mixail Gorbachyovni yorqin kelajakka erishish uchun karyerasini xavf ostiga qo‘ygan rahbar deya ta’rifladi.

Jo Bayden SSSRning o‘sha paytdagi qayta qurish siyosati haqida qisqacha gapirib o‘tdi va “Sovet Ittifoqi davrida Mixailning qarorlari o‘sha paytda kamdan-kam uchraydigan rahbarning xatti-harakatlari edi”, – dedi davlat rahbari.

Shuningdek, U Sovet Ittifoqi Prezidentini butun dunyo uchun erkinlik yaratishda katta jonbozlik ko‘rsatgan inson deya ta’riflab o‘tdi.

“Biz uning oila a’zolari, yaqinlariga hamda uning ishonchidan bahramand bo‘lgan barcha odamlarga chuqur hamdardlik bildiramiz", – deya yakunladi davlat rahbari.

• AQSh
• Bayden
• Mixail Gorbachyov
• Rossiya