Kun bo‘yi barcha narsalarga ulgurishga harakat qilib yelib-yugurasiz, ammo uxlash vaqti yetib kelganda kunlik 10 ta vazifadan atigi 3 tasini bajarishga ulgurgan bo‘lasiz.

Bu voqea deyarli barcha bilan sodir bo‘lgan. Ammo ko‘p insonlar bekorga sarflangan vaqtga e’tibor qaratmaydi. Shuning uchun ham quyida sizga amalga oshirib bo‘lmas ko‘rinsa-da barcha narsaga ulgurish usullarini keltirib o‘tamiz.

Qanday qilib ko‘proq vaqt topish mumkin?

1. Vaqtingizni nimaga sarflayotganingizni aniqlang

Kuningizni tahlil qiling, taymer ishlating, qaysi ishga qancha vaqt sarflayotganingizni aniqlang. Bu orqali vaqtingizni nimalarga sarflayotganingizni va nimalardan voz kechishingiz kerakligini tushunib olasiz.

2. Vaqt “kushandalari”dan voz keching

Mana vaqtimizni nimalarga sarflashni o‘rganib oldik. Bu ro‘yxatda ijtimoiy tarmoqlar, elektron pochtani tekshirishlar, o‘yinlar bormi? Agar shunday bo‘lsa, bulardan voz kechish vaqti keldi. Birinchi o‘rinda e’tiborni telefonimizga qaratishimiz kerak. Eng ko‘p vaqtimizni oladigan narsa ham aynan shu.

3. Sizning o‘rningizga boshqa inson qilishi mumkin bo‘lgan ishlarga qo‘l urmang

Ishingizda o‘zingiz tushunmagan narsalarga qo‘l urmagan ma’qul, chunki bu nafaqat ko‘p vaqtingizni oladi, balki, boshqa muammolarni ham keltirib chiqarishi mumkin. Yaxshisi, bu ish uchun boshqa ishchi yollang yoki shu sohani tushunadigan hamkasblaringizdan yordam so‘rang.

4. Yo‘q deyishni o‘rganing

To‘g‘ri aytilgan “yo‘q” ko‘p vaqtingizni tejab qolishi mumkin. Ba’zi insonlar va narsalarga “yo‘q” deyishni o‘rganishimiz kerak. Bu sizning vazifangizga kirmagan ish, zerikarli kino yoki istamagan narsangizga “yo‘q” deyishni o‘rganing.

5. Oldindan rejalashtiring

Ishlaringizni bir kun, hafta, oy, yil oldin rejalashtirib qo‘ying. Unga rejalaringiz, uchrashuvlar va loyihalarni bajarilish davomiyligini yozib boring. Bu vaqtni to‘g‘ri taqsimlashga yordam beradi.

6. Tartibli bo‘ling

Kompyuter yoki uyingizda hujjatlaringizni qanchalik ko‘p yo‘qotib turasiz? Bu ham vaqt yo‘qotishning sabablaridan biri bo‘lishi mumkin. Kerakli vaqtda kerakli narsani topa olishingiz uchun miyangizni va uyingizni tartibga keltiring.

7. Maqsadlarni aniqlab oling

Muhimroq va unchalik muhim bo‘lmagan, tezkor va unchalik tezkor bo‘lmagan vazifalaringizni aniqlab oling.

8. Jarayonlarni soddalashtiring

Har bir insonda har kuni yoki har hafta bajarishi kerak bo‘lgan ishlar mavjud. Bu har kuni pochtani tekshirib turish yoki davomiy ishlash kerak bo‘lgan biror bir loyiha bo‘lishi mumkin. Shu loyihalar uchun umumiy yoki oson qoliplar o‘ylab topishingiz, ishni osonlashtirishi mumkin. 

9. Dam olish haqida ham unutmang

Charchoq – samaradorlikning asosiy dushmanidir. Charchagan holingizda ham ishlashingizdan hech qanday foyda yo‘q, shunchaki vaqtdan yutqizgan bo‘lasiz, xolos. Charchoqni his qilganingizda diqqatni bir joyga jamlashingiz qiyinlashadi va motivatsiyangiz ham yo‘qolib boradi. Shuning uchun ham dam olib turishni unutmaslik kerak. Ish davomida 5-10 daqiqalik dam samaradorligingiz oshishiga yordam beradi.

• Foydali
• layfxak
• qiziqarli