Joriy yilning 3-4-iyul kunlari Toshkent viloyatida “Qiynoqqa solishga qarshi kurashish: xalqaro amaliyot va milliy tajriba” mavzusida o‘quv kursi tashkil qilindi.

Inson huquqlari bo‘yicha O‘zbekiston Respublikasi Milliy markazi tashabbusi bilan tashkil qilingan mashg‘ulotlarda ichki ishlar, prokuratura va sud organlari vakillari ishtirok etdi.

O‘quv kursida inson huquqlari sohasidagi xalqaro standartlar, qiynoqqa qarshi qabul qilingan hujjatlar, xususan, Nelson Mandela qoidalarining mazmun-mohiyati, qiynoqqa solish bilan bog‘liq qilmishlar uchun javobgarlik masalalari, inson huquqlari kafolatlarini kuchaytirishda sud organlarining o‘rni va boshqa shu kabi dolzarb mavzular qamrab olindi.

Ma’ruza va amaliy mashg‘ulotlar Inson huquqlari milliy markazi vakillari, Huquqni muhofaza qilish akademiyasi, IIV akademiyasi va Malaka oshirish instituti professor-o‘qituvchilari, mahalliy va xalqaro ekspertlar tomonidan olib borildi.

Foydali bilim va ko‘nikmalar, amaliy tavsiyalarga boy o‘tgan o‘quv kursi yakunida tinglovchilardan test sinovi qabul qilinib, ularga sertifikatlar topshirildi.

• IIV
• Ichki ishlar
• Kursantlar
• Nelson Mandela
• Qonun