O‘tgan yil dekabr oyida Meta voyaga yetmagan foydalanuvchilarning xavfsizligiga ko‘proq e’tibor berishni o‘z zimmasiga olgandi.

Shu fonda kompaniya ota-onalar va vasiylarga o‘z farzandlarining akkauntlariga cheklov belgilash va ular ko‘rayotgan kontentni kuzatish imkonini beruvchi “Oila markazi” funksiyasini joriy qildi. Bu haqda “Reuters” axborot agentligi xabar bermoqda. 

Qayd etilishicha, endilikda ota-onalar va vasiylar ta’lim bo‘limiga kirishlari mumkin. Unda mutaxassislar bolani internetdan foydalanishga o‘rgatish va internetdagi ma’lumotlarni tekshirish bo‘yicha maqola va materiallar to‘plashgan. Bundan tashqari, bolalarga ijtimoiy tarmoqlar prinsipini va Instagram’dagi rasm har doim ham to‘g'ri emasligini yetkazishga yordam beradigan videolar mavjud.

Ta’kidlanishicha, Instagram’ning o‘zida ota-ona nazorati bo‘limi kengaytirilgan. Endi unda siz bolaning ilovada qancha vaqt sarflashini kuzatishingiz va cheklovni belgilashingiz mumkin. Shuningdek, siz bola qanday materiallarni tomosha qilishini ham kuzata olasiz. O‘smirning obunalaridan qaysi akkauntlarni joylashayotganini ko‘rish imkonini beruvchi sahifa ham mavjud.

Yangi ota-ona nazorati funksiyasi faqat mobil versiyada mavjud, jumladan, veb-ilova uchun yangilanish yoz faslining boshida chiqarilishi kerak. Nazoratni o‘rnatish uchun ota-ona o‘z qurilmasidan bolaning telefoniga so‘rov yuborishi va bola buni tasdiqlashi kerak bo‘ladi. 

Kompaniya, shuningdek, Meta Quest VR platformasi uchun ota-ona nazorati yangilanishini e’lon qildi. Unga ko‘ra, ota-onalar farzandlari uchun nomaqbul deb hisoblagan o‘yin va funksiyalarga kirishni cheklashlari mumkin bo‘ladi. 

Mobil ilovada ota-onalar bolaning o‘yin va ilovalar kutubxonasi hamda ularda o‘tkazgan vaqtini ko‘rish imkoniga ega bo‘ladi. Agar u yoshga mos kelmasa, bola ilovani o‘rnatolmaydi, lekin uni ma’qullay oladigan ota-onaga xarid so‘rovini yuborish mumkin bo‘ladi va yuklab olish avtomatik tarzda boshlanadi.

• Instagram
• Meta
• Ota-ona