2025-yil 29-sentyabr kuni Istanbul shahrida O‘zbekiston fuqarolaridan iborat bir guruh shaxslar, jumladan bloger “Jasmin” mahalliy politsiya tomonidan qo‘lga olindi. Rasmiy ma’lumotlarga ko‘ra, jami 6 nafar fuqaro ushbu holat bo‘yicha ushlanib, 30-sentyabr kuni Maltepe yopiq turdagi jazoni ijro etish muassasasiga joylashtirilgan.

Ular giyohvand moddalar va psixotrop vositalarning noqonuniy aylanmasi bilan bog‘liq jinoyat sodir etishda gumon qilinmoqda. Tintuv jarayonida aniqlangan ashyoviy dalillar ekspertizaga yuborilgan bo‘lib, ayni paytda tergov ishlari davom etmoqda.

Mazkur holat ijtimoiy tarmoqlarda keng muhokamalarga sabab bo‘lgan bo‘lsa-da, hozircha O‘zbekistonning Turkiyadagi diplomatik vakolatxonalari yoki rasmiy idoralardan qo‘shimcha izohlar berilmagan. Tergov yakuniga ko‘ra, jinoyatning asl sabablari va ishtirokchilarning aybdorlik darajasi aniq bo‘ladi.

• Giyohvandlik
• Istanbul
• Psixatrop