Turkiyaning Haber Global telekanali xodimi Muharrem Jan Kurtulush qurolli hujumda halok bo‘ldi. Bu haqda Oxu.az internet nashri ma’lum qildi.

Qayd etilishicha, u o‘z mashinasini Istanbulning Beylikdyuzu tumanidagi avtoturargohda to‘xtatgan. Shundan so‘ng, jurnalistning e’tiborini to‘rt kishi va to‘xtash joyidagi amaldorlar o‘rtasidagi ziddiyat jalb qilgan. Keyin u aralashishga qaror qilib tomonlarni yarashtirishga harakat qilgan.

Keyinchalik, Muharrem Jan Kurtulush do‘sti bilan kafedan chiqib, mashinaga o‘tirganda, o‘sha to‘rt kishi uning mashinasining yo‘lni to‘sib qo‘ygan. Jurnalist mashinadan tushishi bilan jinoyatchilar o‘q uzib voqea joyidan qochib ketishgan.

Og‘ir yaralangan jurnalist Kurtulush kasalxonaga yotqizilgan. Ammo shifokorlar uning hayotini saqlab qola olmagan.

Politsiyaning tezkor harakatlari tufayli to‘rtta gumondor ham qisqa vaqt ichida hibsga olingan. Ularning yashash joyida o‘tkazilgan tintuvlarda ro‘yxatdan o‘tmagan qurol, tarozi va 1 kg 200 g giyohvand moddalar topilgan.

• Turkiya
• jurnalist