Bugun, 17-sentyabr kuni Janubiy Afrikada maktab avtobusi va yuk mashinasi ishtirokida avtohalokat yuz berdi.

Qayd etilishicha, voqea Janubiy Afrikaning sharqiy qismida joylashgan Pongola va Itshelejuba shaharchalari oralig‘idagi yo‘lda sodir bo‘lgan. Yuk mashinasi haydovchisi boshqaruvni yo‘qotgan va avtobus ustiga qulagan. Avtobusda jami 19 nafar bola va yana ikkita yoshi katta fuqaro bo‘lgan.

Ularning bari avtohalokat qurboni bo‘lishgan. Mahalliy shoshilinch tibbiy yordam vakili Robert Makkenzining ta’kidlashicha, avtobusdagi bolalar 5 va 12 yosh oralig‘ida bo‘lgan.

“Maktabdan uyiga qaytayotgan bolalar 5 yoshdan 12 yoshgacha edi. Avtohalokatning aniq sababi noma’lum, ammo bu politsiya tomonidan tezda aniqlashtiriladi”, – deydi u.

• Avtohalokat
• Janubiy Afrika
• O'lim