“Kamaz” O‘zbekistonga avtobus va elektrobuslar yetkazib berishni rejalashtirmoqda. Bu haqda Tatariston prezidenti Rustam Minnixanov maʼlum qildi.

“Kamaz” avtomobil ishlab chiqaruvchisi O‘zbekiston bozoriga elektrobuslar yetkazib berishni rejalashtirgan. Ayni paytda mamlakatga yuk mashinalari yetkazib berilmoqda”, – dedi Tatariston rahbari.

Minnixonovning qo‘shimcha qilishicha, O‘zbekistonda “Kamaz” avtomarkazi va yig‘uv liniyasi ochilgan. “Kamaz”  avtobus va elektr avtobuslarini ham yetkazib berishni xohlamoqda. Taʼkidlanishicha, Moskva shahridagi elektr avtobuslarning 80 foizi “Kamaz” tomonidan ishlab chiqariladi.

“Elektrobuslarning yurish masofasi 80 km qilib oshirilgan, to‘liq elektr isitgich bilan jihozlangan, u atmosferaga zararli moddalarni chiqarmaydi”, – dedi Minnixonov.

Uning so‘zlariga ko‘ra, O‘zbekiston bilan hamkorlik qilishga “YelAZ”, TEMPO, KMPO, “KER-Xolding”, “Tatximfarmpreparati”, “Remdizel”, POZiS ham qiziqish bildirmoqda.

• Elektrobus
• Kamaz
• Minnixonov
• O‘zbekiston
• Tatariston