Liviya sharqidagi Derna shahrida suv toshqini oqibatida halok bo‘lganlar soni 5,3 ming kishidan oshdi. Bu haqda “Al Jazeera” telekanali Ichki ishlar vazirligi ma’lumotlariga tayanib xabar berdi.

Mahalliy Qizil Xoch ko‘ngillilari 10 ming kishi bedarak yo‘qolganini ma’lum qilgan. Hozirda qutqaruv ishlari davom etmoqda.

Xabarga ko‘ra, sel qirg‘oq bo‘yidagi Derna shahrining chorak qismini vayron qilgan, u yerda kuchli yomg‘ir tufayli ikkita to‘g‘on yorilib ketgan.

Ma’lumotlarga ko‘ra, Liviyaning sharqiy qismidagi suv toshqinlariga joriy yilning 10-sentabr kuni mamlakatni qamrab olgan “Daniel” to‘foni sabab bo‘lmoqda. Tabiiy ofat qirg‘oq bo‘yidagi Jabal al-Axdar, Derna va Beng‘ozi shaharlariga zarar yetkazgan. Shundan so‘ng mintaqada aeroportlar va dengiz portlari yopilgan.

Ayni paytda sharqdagi Kirenaika provinsiyasining uchta hududida komendantlik soati joriy etilgan.

• Liviya
• Qurbon
• suv_toshqini