Yangi nomzod YeChLda 3 ta penaltini qaytargan.

“Manchester Yunayted” yangi darvozabonni sotib olmoqchi.

Insayder Fabritsio Romano xabariga ko‘ra, mankunianliklar “Portu” darvozaboni Diogo Kostaga qiziqish bildirmoqda. Qiziqishga David De Xeaning ingliz klubidagi kelajagi bilan bog‘liq noaniq vaziyat sabab bo‘lmoqda.

“Yunayted” bu mavsumda Kostani kuzatib borishga qaror qildi. “Manchester Yunayted”ni 23 yoshli portugaliyalikning shartnomasida ozod qilish bandi borligi qiziqtirmoqda.

Kosta bu mavsumda Chempionlar ligasida 3 ta penalti qaytardi, bu statistika ushbu mavsum boshidan beri rekorddir.

Diogo yaqinda “Portu” bilan shartnomasini 2027-yilgacha uzaytirdi. Yangi kelishuvga ko‘ra, tovon puli 75 million yevroni tashkil qiladi.

• Futbol
• Manchester Yunayted
• Portu
• Transferlar