O‘zbekiston Milliy pedagogika universitetining Kimyo va Biologiya bakalavriat yo‘nalishlari hamda mazkur fanlar bo‘yicha magistratura mutaxassisliklari 16-yanvar kuni Germaniyaning nufuzli ASIIN xalqaro akkreditatsiya agentligi tomonidan akkreditatsiyadan o‘tkazildi.

Ushbu yo‘nalishlar mamlakatimizda ilk bor ASIIN akkreditatsiyasini olgan ta’lim dasturlari bo‘lib, universitetdagi ta’lim standartlari, o‘quv jarayoni, professor-o‘qituvchilar salohiyati va ilmiy faoliyatning xalqaro talablarga mosligini tasdiqlaydi.

2030-yil 30-sentyabrgacha amal qiladigan sertifikatlar mazkur yo‘nalish bitiruvchilarining diplomlari Yevropa va boshqa rivojlangan davlatlarda tan olinishiga imkoniyat yaratadi. Shuningdek, ularning xorijda ta’lim olishi, ilmiy faoliyat yuritishi va kimyo-biologiya sohalarida xalqaro mehnat bozoriga chiqishiga keng yo‘l ochadi.

• Diplom
• Universitet
• Yevropa