Agar tanada qovoq bilan kechadigan ichki kasalliklar boʻlmasa, bu holat uyqu va orom bilan bevosita bogʻliq boʻlishi mumkin. Baʼzan koʻp uxlash yoki uyquga toʻymaslik natijasida yuzda, asosan koʻz ostida shishlar paydo boʻladi. Mutaxassislarning taʼkidlashicha, hattoki past yostiqda uxlash ham koʻz osti shishlariga sabab boʻlar ekan.

Bu shishlarga qarshi kurashish uchun uxlaydigan yostigʻingizning balandligi 12-15 santimetr boʻlishini taʼminlang. Toʻshagingiz qancha qattiq boʻlsa, boshingiz ostidagi yostigʻingiz shuncha baland boʻlsin.

Yogʻli kremlar ham terining “nafas olishiga” toʻsqinlik qiladi. Oʻz navbatida kislorod tansiqligi ham shishlarga olib kelishi mumkin.

Xoʻsh bunga qarshi qanday kurashish mumkin? Teriga yogʻli krem surtganingizdan keyin yarim soat oʻtgach, ortiqchasini nam sochiqda yengil artib tashlang.

Xotin-qizlarimizning oy koʻrish kunlarida kuzatiluvchi holsizlik, bosh ogʻrigʻi va uyquchanlik ham shishlar paydo boʻlishiga turtki boʻlishi mumkin. Shishlarning bu turi hayz kunlari tugagach, oʻtib ketadi.

Yorqinoy Toshpo‘latova, terapevt
Manba: “Shifo-info” gazetasi

• Foydali
• Lifestyle
• qiziqarli
• salomatlik