Shahardagi uylardan biriga Rossiya bayrog‘i va “Odessa – Rossiya shahri” yozuvi tushirilgan bayroqni osib qo‘ygan Odessalik fuqaro davlatga xiyonatda ayblanib, Ukrainada 15 yillik qamoq jazosiga hukm qilindi.

Bu haqda Ukraina Davlat tergov byurosi xabar berdi.

Departamentga ma’lumotlariga ko‘ra, mazkur shaxs Ukraina Qurolli kuchlari haqidagi ma’lumotlarni uzatishda va odam o‘g‘irlashga tayyorgarlik ko‘rishda ham ayblangan.

Erkak Rossiya maxsus xizmatlari bilan hamkorlik qilgan va ularga Ukraina qurolli kuchlarining Odessadagi harakati va obektlari haqidagi ma’lumotlarni uzatgan.

“Odessalik fuqaro davlatga xiyonat qilish, hamkorlik qilish va odam o‘g‘irlashda aybdor deb topildi. Sud uni 15 yilga ozodlikdan mahrum qildi”, - deyiladi GBR bayonotida.
Ukraina xavfsizlik kuchlari ushbu shaxs mamlakatga qarshi qo‘poruvchilik faoliyati uchun Ukraina huquq-tartibot organlarining sobiq xodimlarini yollaganini aytdi.

• AQSh
• Odessa porti
• Ukraina