AQSH Oliy sudi Donald Trampning Kolorado shtatidagi Respublikachilar partiyasining boshlang‘ich saylovida ishtirok etishini taqiqlovchi sud qarori ustidan bildirgan shikoyatini ko‘rib chiqishga rozi bo‘ldi. Bu haqda BBS xabar berdi. Ish fevral oyida ko‘rib chiqiladi va qaror butun mamlakat bo‘ylab amal qiladi.

Eslatib o‘tamiz, Kolorado sudi qaroriga ko‘ra, Donald Tramp 2021-yil 6-yanvardagi tartibsizliklarda ishtirok etgani uchun partiyaning prezidentlikka nomzodini aniqlovchi boshlang‘ich saylovdagi nomzodlar ro‘yxatidan chiqarilishi kerak.

AQSH Konstitutsiyasiga kiritilgan 14-o‘zgartirishga ko‘ra, hukumat “qo‘zg‘olonda qatnashgan” har qanday shaxsga federal lavozimni egallashni taqiqlaydi, biroq sobiq prezidentning advokatlari bu Trampga taalluqli emasligini taʼkidlamoqda.

• AQSh
• Konstitutsiya