JSSTning maʼlum qilishicha, keyingi oylarda qator davlatlarda “omikron” shtammining XBB.1.5 subvarianti keng tarqalmoqda. U hozirgacha bizga maʼlum mutatsiyalar orasida eng yuquvchani sifatida baholanyapti.

Shu sababli Jahon sogʻliqni saqlash tashkiloti ekspertlari xastalik hademay Yer yuzi boʻyicha dominant versiyaga aylanib, bemorlar soni keskin oshishi mumkinligidan tashvishda.

JSST mutaxassislari xulosasiga koʻra, “kraken” deb nomlangan XBB.1.5 subvariantining oʻtgan yildagiga nisbatan tabiati birmuncha oʻzgargan.

Hozircha uni yuqtirganlar orasida ogʻir asoratlar kuzatilmayotgan boʻlsa-da, ammo bu mutatsiyaga xos yangi alomatlar paydo boʻlayotgani biroz xavotirli hol.

Keltirilishicha, koʻngil aynishi va bel ogʻrigʻi kabi belgilar bosh ogʻrigʻi, diareya, isitma, titroq, charchoq, shuningdek, taʼm va hid bilish qobiliyati yoʻqolishi kabi simptomlar bilan birga kechmoqda.

Shu bois JSST vakillari aholi vakillariga buster dozada emlanishni tavsiya qilmoqda.

Mavzuga doir: Hozir “omicron” shtammining 600 dan ortiq subvariantlari mavjud – JSST

• JSST
• Omikron
• SSV
• koronavirus