Kecha Toshkentda Xalqaro qilichbozlik federatsiyasining navbatdagi Kongressi yakunlandi. Unda tashkilot ijroiya qo‘mitasi a’zoligiga saylov bo‘lib o‘tgan.

O‘zbekiston qilichbozlik federatsiyasi bosh kotibi Gulnora Saidova mazkur kongressda 104 ta ovoz to‘plab, Xalqaro qilichbozlik federatsiyasi ijroiya qo‘mitasi a’zoligiga saylangan.

Shuningdek, Kongress doirasida o‘tkazilgan matbuot anjumanida 2027-yilda qilichbozlik bo‘yicha kattalar o‘rtasidagi Jahon chempionatini O‘zbekistonda o‘tkazish rejasi ma’lum qilingan.

Mazkur musobaqada, 2028-yilda Los-Anjelesda o‘tkaziladigan Olimpiya o‘yinlariga yo‘llanmani qo‘lga kiritish mumkin bo‘ladi. Chempionatda to‘plangan ochkolar sportchilarning Olimpiya o‘yinlari saralashiga ta’sir qiladi.

• Jahon chempionati
• Qilichbozlik