Kosmonavtika yoʻnalishi bugungi kunda taraqqiyotning ajralmas bir boʻlagiga aylangan. Uning kommunikatsiyalar, internet, meteorologiya va boshqa sohalardagi ahamiyati beqiyos. 2019-yilda Prezidentning “Oʻzbekiston Respublikasida kosmik faoliyatni rivojlantirish toʻgʻrisida”gi farmoni asosida Vazirlar Mahkamasi huzurida tashkil etilgan Kosmik tadqiqotlar va texnologiyalar agentligi ayni vaqtda qanday loyihalar ustida ish olib borayotgani koʻpchilik uchun qiziq.

NASA bilan hamkorlikda joriy yilning 1-2-oktyabr kunlari oʻtkazilishi rejalashtirilgan “NASA International Space Apps” xalqaro tadbiriga “Oʻzbekkosmos” tomonidan qizgʻin tayyorgarlik koʻrilyapti. Oʻzbekistonda ilk marotaba oʻtkazilayotgan mazkur xakaton, agentlik faoliyati, kosmik tadqiqotlar va mamlakatning ushbu sohaga doir rejalari haqida agentlikning rasmiy vakillari bilan suhbatlashdik.

• Koinot
• ilm-fan
• tadqiqot