O‘zbekiston Qirg‘izistonga oyiga 20 ming tonnaga yaqin neft mahsuloti yetkazib berishi mumkin

 

Qirg‘iziston O‘zbekistondan oyiga 20 ming tonnaga yaqin neft mahsuloti import qilishni rejalashtirmoqda. Bu haqda Qirg‘iziston Vazirlar Mahkamasi raisi Odilbek Qosimaliyev «Kabar» agentligiga bergan intervyusida ma’lum qildi.

 

Uning aytishicha, Qirg‘iziston yoqilg‘i-moylash materiallariga bo‘lgan ehtiyojining 90 foizdan ortig‘ini import hisobiga qoplaydi. Shu sababli mamlakat ichki bozoridagi narxlar tashqi bozordagi narxlar, geosiyosiy vaziyat va transport xarajatlariga bevosita bog‘liq.

 

Qosimaliyev Rossiyadan yoqilg‘i yetkazib berish avvalgiga nisbatan murakkablashganini qayd etib, benzin narxi yana oshishi mumkinligidan ogohlantirdi.

 

Uning so‘zlariga ko‘ra, hukumat yoqilg‘i ta’minotini barqarorlashtirish maqsadida bir nechta davlatlar bilan muzokaralar olib bormoqda. Ana shu hamkorlik doirasida O‘zbekistondan oyiga qariyb 20 ming tonna neft mahsuloti yetkazib berish masalasi ham ko‘rib chiqilmoqda.