O‘zbekiston va Gvineya-Bisau o‘rtasida diplomatik aloqalar o‘rnatish to‘g‘risidagi qo‘shma kommyunike Nyu-York shahrida imzolandi. Hujjatni O‘zbekistonning BMTdagi doimiy vakili Ulug‘bek Lapasov va Gvineya-Bisau BMT missiyasi rahbari Samba Sane imzolagan.
Tomonlar Birlashgan Millatlar Tashkiloti va uning ixtisoslashgan tuzilmalari doirasida hamkorlikni kengaytirishdan manfaatdor ekanini bildirgan. Shuningdek, ikki davlat o‘rtasida o‘zaro manfaatli yo‘nalishlarda hamkorlikni faollashtirishga kelishilgan.
Gvineya-Bisau G‘arbiy Afrikada joylashgan kichik davlat bo‘lib, Atlantika okeani sohilida joylashgan. Poytaxti Bissau shahri hisoblanadi.
Shu bilan Gvineya-Bisau O‘zbekiston diplomatik aloqalar o‘rnatgan 168-mamlakatga aylandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!