BMTning Turizm tashkiloti tomonidan 2026-yil may oyida e’lon qilingan hisobotga ko‘ra, O‘zbekiston xorijiy sayyohlar oqimi o‘sish sur’ati bo‘yicha dunyoda TOP-5 talik davlatlar qatoridan joy oldi. Ma’lumotlarga ko‘ra, 2026-yilning birinchi choragida mamlakatga kelgan xalqaro mehmonlar soni 2025-yilning shu davriga nisbatan 37 foizga oshgan.

Hisobotda eng yuqori o‘sish qayd etilgan davlatlar qatoriga Paragvay (+46%), Yangi Kaledoniya (+45%), El Salvador (+43%) va Mo‘g‘uliston (+39%) kiritilgan.O‘zbekiston esa +37 foizlik natija bilan TOP-5 davlatlar orasidan o‘rin olib, Irlandiya (+24%) va Bruney (+23%) kabi davlatlardan yuqori ko‘rsatkich qayd etgan.

Shuningdek, Yaqin Sharqdagi geosiyosiy vaziyat sabab ushbu hududga xalqaro sayyohlar oqimi 14 foizga kamaygani ham qayd etilgan.