Istiqbolli loyihalar milliy agentligi sug‘urta tashkilotlari faoliyatini nazorat qilish, ular tomonidan qonunchilik talablariga rioya etilishi bo‘yicha vazifa va  funksiyalarini amalga oshirish doirasida 5 ta sug‘urta tashkilotiga nisbatan jarima sanksiyalarini qo‘lladi. Bu haqda agentlik matbuot xizmati xabar berdi.

Maʼlum boʻlishicha, sugʻurta tashkilotlarining moliyaviy koʻrsatkichlarini oʻrganish natijalariga koʻra qonunchilik hujjatlarida belgilangan meʼyorlarga rioya qilmaslik faktlari aniqlanib, ular boʻyicha 117,5 million soʻm miqdorida jarima solingan.

Jarima sanksiyalari qoʻllanilgan sugʻurta tashkilotlari quyidagilar:

“Semurg Insurance ” AJ – 45,0 mln soʻm;

“Oʻzagrosugʻurta” AJ – 22,5 mln soʻm;

“Oʻzbekinvest” Eisk AJ – 22,5 mln soʻm;

“Alskom sugʻurta kompaniyasi” AJ – 17,5 mln soʻm;

“Global insurance group” AJ – 10,0 mln soʻm.

• Sug'urta