Bugungi kunda Oʻzbekistonda 48 mingdan ortiq shaxslar OIV kasalligi bilan yashab kelmoqda. Bu haqda bugun, 8-iyun kuni Axborot va ommaviy kommunikatsiyalar agentligida Sanitariya-epidemiologik osoyishtalik va jamoat salomatligi qoʻmitasi tomonidan “OITSga qarshi kurashish maqsadida olib borilayotgan ishlar” mavzusida oʻtkazilgan matbuot anjumanida maʼlum qilindi.

Odamning immunitet tanqisligi virusi (OIV) kasalligi bilan bugungi kunda Respublikamizda 48 mingdan ortiq shaxslar yashab kelmoqda.

Respublikamizda OIV infeksiyasiga qarshi kurashish doirasida 63 ta tumanlararo OIV diagnostik laboratoriyalar OITSga qarshi kurash markazlari tasarrufiga oʻtkazilib, zarur tibbiy uskunalar bilan jihozlandi, har bir viloyat yuqumli kasalliklar shifoxonalari negizida 5 tadan 40 tagacha OIV bemorlarga xizmat koʻrsatadigan oʻrinlar tashkil etildi.

Soʻnggi 5 yil ichida OIV infeksiyasi uchun testlar soni 700 mingdan 3,5 millionga oshgan yoki 5 barobarga ortgan.

• OIV
• Sanitariya
• statistika