2022-yilning 1-aprel holatiga ko‘ra, O‘zbekistonda jami faoliyat ko‘rsatayotgan sanoat korxonalari soni 92 064 tani tashkil etdi. Bu haqda Davlat statistika qo‘mitasi xabar berdi.

Qayd etilishicha, ushbu ko‘rsatkich 2021-yilning mos davri bilan solishtirilganda 107,6 foizga oshgan. O‘zbekistonda jami faoliyat ko‘rsatayotgan (fermer va dehqon xo‘jaliklarisiz) korxonalarning 17 foiz (542 672 ta) ulushini sanoat korxonalari tashkil etib, shundan kichik biznes subyektlari soni 91 969 tani tashkil etgan.

Quyida faoliyat yuritayotgan sanoat korxonalari sonini hududlar kesimida ko‘rishingiz mumkin:
Toshkent shahri – 16 025 ta;
Farg‘ona viloyati – 10 056 ta;
Andijon viloyati – 9 512 ta;
Toshkent viloyati – 9 308 ta;
Samarqand viloyati – 8 239 ta;
Namangan viloyati – 7 250 ta;
Qashqadaryo viloyati – 4 871 ta;
Buxoro viloyati – 4 870 ta;
Surxondaryo viloyati – 4 682 ta;
Xorazm viloyati – 4 361 ta;
Jizzax viloyati – 3 784 ta;
Navoiy viloyati – 3 710 ta;
Qoraqalpog‘iston Respublikasi – 3 219 ta;
Sirdaryo viloyati – 2 177 ta.

• sanoat
• statistika