Ma’lumki, ayni kunlarda Respublikamiz hududida keskin anomal issiq ob-havo kuzatilmoqda. Albatta, harorat ko‘tarilishi natijasida yerusti temir yo‘llarining relslari hamda ularning po‘lat qismlarida harorat juda yuqori bo‘ladi. Shu bois, yo‘lovchilar va poyezdlar harakat xavfsizligini ta’minlash maqsadida, poyezdlar harakat tezligiga cheklovlar o‘rnatiladi. Natijada poyezdlar harakat jadvalidan kechikib harakatlanishi mumkin.

Shuningdek, harakat tezligiga cheklovlar o‘rnatilgan poyezdlarda sovitish tizimining ishlash quvvati pasayishi mumkin.

Bundan tashqari, harakat jadvalida kichik o‘zgarishlar kuzatilishi mumkin. Ya’ni, poyezdlar vokzallarga yetib kelish vaqtidan kechikishi mumkin.

“O‘ztemiryo‘lyo‘lovchi” AJ o‘z xabarida mijozlaridan, anomal issiqlik tufayli yuzaga kelishi mumkin bo‘lgan noqulayliklar uchun uzr so‘ragan.

• Ogohlantirish
• O‘ztemiryo‘lyo‘lovchi