Parijda Janubiy Sudan sport vaziri o‘rinbosarining ichida 35 ming dollar bo‘lgan sumka o‘g‘irlab ketildi. Bu pullar mamlakat olimpiya delegatsiyasi uchun mo‘ljallangan edi, deb yozadi “Zakon.kz”.

Sumka ichida puldan tashqari telefon, tanlov akkreditatsiyasi, pasport va zargarlik buyumlari bo‘lgan. Valeurs Actuellesning so‘zlariga ko‘ra, 5-avgust kuni bir ayol mehmonxona qabulxonasidagi stol ustiga sumkasini tashlab ketgan. Bir necha daqiqadan so‘ng yo‘qolgani aniqlangan. Mehmonxona xodimlari esa o‘g‘rini ko‘rmaganliklarini aytishgan.

Keyinroq politsiya amaldorning bo‘sh sumkasini Parij yaqinidagi Massi kommunasidan topgan. U yuk mashinasi orqasiga yashiringan edi.

• Olimpiada
• Parij