Bugun, 19-sentabr kuni ayrim ijtimoiy tarmoqlar orqali Pedagogika universiteti talabasi bilan bog‘liq janjalli videolar tarqaldi. Toshkent davlat pedagogika universiteti ushbu voqea yuzasidan rasmiy munosabat bildirdi.

Qayd etilishicha, universitet talabasi Yu.R. doimiy yashash joyi Samarqand viloyati Kattaqo‘rg‘on tumanidan J. ismli yigitning avtomoshinasida ota-onasi tomonidan yuborilgan pochta (oziq ovqat mahsulotlari) ni ikki marta qabul qilib olgan.

Talaba qizga ota-onasidan yuborilgan pochtani J.ismli shaxs universitetga olib kelganida uning ayoli (videodagi ayol) ham yonida bo‘lgan.

Ta'kidlanishicha, bir necha kundan keyin sodir bo‘lgan videodagi janjalli holat talaba Yu.R. uchun ham tushunarsiz bo‘lib, ushbu voqea yuzasidan talaba Ichki ishlar idoralariga ariza bilan murojaat qilgan.

Xabarga ko‘ra, ushbu masala yuzasidan Ichki ishlar organi mas’ullari tomonidan tergov ishlari olib borilayabdi.

• Pedagogika
• Talabalar