Seshanba kuni Pokiston hukumati armiyani mamlakat poytaxti Islomobodga kiritishga qaror qilgan. Bu sobiq Bosh vazir Imron Xon tarafdorlari va politsiya o‘rtasidagi ziddiyatingning kuchayishi fonida sodir bo‘lgan. Zarur bo‘lsa, harbiylarga o‘t ochish buyurilgan.

Hukumat ma’lumotlariga ko‘ra, to‘qnashuvlarda xavfsizlik kuchlarining kamida olti nafar xodimi halok bo‘lgan va Imron Xonning minglab tarafdorlari poytaxt ko‘chalarini to‘ldirishda davom etib, uning ozod qilinishini talab qilmoqda. Politsiya namoyishchilarning harakatini to‘xtatish uchun ko‘zdan yosh oqizuvchi gaz va rezina o‘qlardan foydalanmoqda.

 Hukumat butun mamlakat bo‘ylab xavfsizlik choralarini kuchaytirgan. Katta shaharlarda maktablar va korxonalar yopilgan, ba’zi joylarda mobil aloqa bloklangan.

• Imron Xon
• Pokiston