28°
Kechasi 17°
Ijtimoiy tarmoqlarda talabalar uchun yo‘lovchi poyezdlariga chegirma e’lon qilingan lekin temir yo‘l kassalarida va ilovada temir yo‘l chiptalari qolmaganligi haqidagi xabarlar tarqalgan edi. “O‘ztemiryo‘lyo‘lovchi” ushbu xabar yuzasidan rasmiy ma’lumot berdi.
Qayd etilishicha, hozirgi kunda Toshkent shahridagi oliy ta’lim muassasalarida tahsil olayotgan talabalarga qulaylik yaratish maqsadida sayyor kassalar tashkil etilgan. Ushbu sayyor kassalar orqali talabalar bemalol o‘z yashash manzillariga qatnovchi yo‘lovchi poyezdlari uchun chiptalarni xarid qilishlari mumkin.
Bundan tashqari, yo‘lovchi poyezdlariga qo‘shimcha vagonlar ulanishi hamda yangi yo‘lovchi poyezdlari qatnovi yo‘lga qo‘yilmoqda.
“Qo‘shimcha ma’lumotni O‘zbekiston bo‘yicha 1005 qisqa telefon raqami, joylardagi temir yo‘l chiptaxonalari hamda ma’lumotlar byurosidan bilib olishingiz mumkin”, – deyiladi “O‘ztemiryo‘lyo‘lovchi” xabarida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
