Rossiya prezidenti Vladimir Putin Armanistonning Yevropa Ittifoqiga qo‘shilish masalasida Yerevandan imkon qadar tezroq aniq qaror qabul qilishni so‘radi.

Putinning ta’kidlashicha, Bosh vazir Nikol Pashinyan ushbu masala bo‘yicha referendum o‘tkazish zarurligini aytgan va Moskva uning natijasini tezroq bilishdan manfaatdor.

Rossiya rahbari referendum natijasidan qat’i nazar, ikki davlat o‘rtasidagi munosabatlar saqlanib qolishini hamda har bir mamlakat o‘z tashqi siyosiy yo‘lini mustaqil tanlash huquqiga ega ekanini qayd etdi.