Bugun, 10-dekabr kuni soat 03:49 da Toshkent viloyati Favqulodda vaziyatlar boshqarmasiga Toshkent viloyati, Qibray tumani, “G‘afur G‘ulom” MFY, A.Navoiy ko‘chasida joylashgan MChJlarning birida (osh markazi) yong‘in sodir bo‘layotganligi haqida xabar kelib tushgan.

Xabarga asosan, 16 ta yong‘in-qutqaruv ekipaji soat 03:54 da hodisa joyiga yetib borib, yong‘in soat 05:10 da o‘rab olingan va soat 05:50 to‘liq o‘chirilgan.

Bu haqda Favqulodda vaziyatlar vazirligi axborot xizmati xabar berdi.

“Hodisa oqibatida tan jarohati olgan va vafot etganlar yo‘q.

Hozirda yong‘inning kelib chiqish sababi va moddiy zarar miqdori aniqlanmoqda.

Voqea joyiga Favqulodda vaziyatlar vazirining birinchi o‘rinbosari-shtab boshlig‘i polkovnik S.T.Zuparov, viloyat FVB rahbariyati hamda tegishli tashkilotlar rahbar xodimlari yetib borgan”, – deyiladi xabarda.

• FVV
• Qibray
• yong‘in