Toshkent viloyati Bo‘ka tumani Soliq inspeksiyasi bosh inspektori o‘z xizmat mavqeidan foydalangan holda, paxta va g‘alla yetishtirishga ixtisoslashgan fermer xo‘jalik rahbarining ishonchiga kirib, mazkur xo‘jalikning soliq organlaridan mavjud bo‘lgan 165,6 mln so‘m miqdoridagi soliq qarzdorligini to‘lash muddatini viloyati soliq boshqarmasidagi hamkasbi orqali uzaytirib berish evaziga 10 mln so‘m talab qiladi.

Davlat xavfsizlik xizmati va Bosh prokuratura huzuridagi Departament xodimlari hamkorligida o‘tkazilgan tezkor tadbirda u so‘ralgan pul mablag‘ini o‘z xizmat xonasida olgan vaqtida ashyoviy dalillar bilan ushlangan.

Holat yuzasidan bosh inspektorga nisbatan Jinoyat Kodeksining 168-moddasi 3-qismi “v” bandi va 28,211-moddasi 1-qismi bilan jinoyat ishi qo‘zg‘atilib, “qamoq” ehtiyot chorasi qo‘llanilgan. Hozirda tergov harakatlari olib borilmoqda.

• DXX
• Pora
• Soliq
• Toshkent viloyati