Qumqo‘rg‘on tumanida yashovchi 27 yoshli yigit Telegram’da soxta profil ochib, turli guruhlarda Cobalt avtomobili sotilishi haqida e’lonlar joylashtirgan. Xaridorlarni jalb qilish uchun mashinani bozor bahosidan ancha past ko‘rsatgan. Gumonlanuvchi shaxs xaridorlardan mashinaga yangi shinalar qo‘yish uchun oldindan to‘lov qilishlarini so‘ragan. Pullarni olgach, yozishmalarni o‘chirib yuborgan.

Tergov davomida u viloyatning Oltinsoy tumanidagi 3 fuqaroga jami 8 milliondan ortiq moddiy zarar yetkazgani aniqlangan. Umumiy hisobda u 15 nafar fuqaroning ishonchiga kirib, pul mablag‘larini o‘zlashtirgan.

Hozirda unga nisbatan Jinoyat kodeksining 168-moddasi 3-qismi (firibgarlik) bilan jinoyat ishi qo‘zg‘atilgan va qamoqqa olish ehtiyot chorasi qo‘llangan. 

• Firibgarlik
• IIB
• Surxondaryo