Bu haqda Xalq qurultoyida mamlakat prezidenti Sadir Japarov ma’lum qildi.

“O‘qituvchi millat kelajagini shakllantiradi, shifokor inson salomatligi va hayotini himoya qiladi. Biroq bugungi kunda ularga nisbatan qo‘pol munosabat, hurmatsizlik, ba’zan zo‘ravonlik holatlariga ko‘p duch kelmoqdamiz. Bu o‘taketgan madaniyatsizlikdir. Biz bu ikki muqaddas kasbga o‘z qadr-qimmatini, jamiyatdagi yuksak mavqeini qaytarib berishimiz shart”, — degan prezident.

Japarovning so‘zlariga ko‘ra, hozirda pedagoglarning o‘rtacha maoshi 26 ming som (salkam 3,6 mln so‘m)ni tashkil etadi. 1-apreldan boshlab bu miqdor ikki karra oshib 52 ming som bo‘ladi. Shifokorlarning o‘rtacha ish haqi 31 ming 500 som (4,3 mln so‘m)ni tashkil etadi, 1-apreldan esa 62 ming 500 somga yetadi.

O‘zbekiston Milliy statistika qo‘mitasi ma’lumotlariga ko‘ra, respublikada ta’lim sohasidagi o‘rtacha oylik maosh 4 mln 188 ming so‘mni, tibbiyotda esa 3 mln 765 ming so‘mni tashkil qilmoqda.

• Maosh
• O‘qituvchi
• Qaror
• Sadir Japarov
• Shifokor