Odamlar axborot texnologiyalari rivojlanmagan zamonlarda uzoq masofalarga xabar yuborish uchun kabutarlardan foydalanishgan. Chunki bu jonivorlar kuniga 900 kilometrgacha ucha olishgan.

Pochtachi kabutarlar doimo ishonchli hisoblangan. Birinchi marta qadimgi Misr, Xitoy va Gretsiyada bu usuldan foydalanib xabar yuborishgan. Shu sababli ham ko‘plab mamlakatlarda mazkur qushlarni jamoat xizmatiga jalb etishdi. Hatto, vaqt o‘tishi bilan, kabutar markalari ham bosib chiqarila boshlandi.

Ma’lumki, urush paytlarida ham kabutarlar xizmati keng yo‘lga qo‘yilgan. Ayniqsa, Birinchi jahon urushi boshlangan paytlarda harbiy jo‘natmalar va yozishmalarning yuborilishida ham harbiylar kabutarlardan keng foydalanishgan. Shu boisdan, urush yillarida Qizil armiyaga 15 mingdan ortiq kabutarlar yetkazib berilgan.

Kabutarlar dushmanga shunday xavf tug‘dirganki, fashistlar snayperlarga bu qushlarni otishga buyruq berishgan. Hatto, qirg‘iylarni kabutarlarga qarshi jangchi sifatida harakat qilishga o‘rgatishgan. Chunki kabutarlar harbiy holat va qurollar haqidagi eng qimmatli ma’lumotlarni dushmanga yetkazishi mumkin sanalgan.

Bundan tashqari, ishg‘ol qilingan barcha hududlarda kabutarlarni aholidan tortib olish to‘g‘risida Reyxning farmoni ham chiqariladi. Shundan so‘ng, qo‘lga kiritilgan mazkur qushlarning aksariyati yo‘q qilingan, eng zo‘rlari esa, Germaniyaga yuborilgan.

                                                                                                                                                                                     Tayyorladi: Sabohat Saidrizo

• Birinchi jahon urushi
• Lifestyle
• qiziqarli